Kab Uska Visaal:

Kab Uska Visaal Chahiye Tha,
Bas Ek Khayaal Chahiye Tha;

Kab Dil Ko Jawaab Se Gharaz Thi,
Honthon Ko Sawaal Chahiye Tha;

Shauq Yeh Nafas Tha Aur Wafaa Ko,
Paas-e-Mah-o-Saal Chahiye Tha;

Ek Chehra-e-Sadaa Tha Jo Hum Ko,
Be-Misl-o-Misaal Chahiye Tha;

Ek Karb Mein Zaat-o-Zindagii Hain,
Mumkin Ko Mahaal Chahiye Tha!
~ Jon Elia
Badla Lena Meri Fitrat:

Main Lamhon Ko Waqt Ki Pukaar Deta Hoon,
Isi Lagan Mein Kayi Shaamein Guzaar Deta Hoon;

Main Yunhi Har Ek Se Be-Rabt Nahi Milta,
Har Ek Shakhs Ko Us Ka Mayyaar Deta Hoon;

Main Gham Ki Kashti Ko Dubona Nahi Chaahta,
Bojh Barrh Jaye To Kuch Utaar Deta Hoon;

Khushiyan Koi Maangey To Muft Deta Hoon,
Gham Maangey Koi To Udhaar Deta Hoon;

Badla Lena Meri Fitrat Mein Nahi 'Saaqi',
Khizaan Ke Badley Bahaar Deta Hoon!
Pani Aankh Mein Bhar Kar:

Pani Aankh Mein Bhar Kar Laya Ja Sakta Hai,
Ab Bhi Jalta Shehar Bachaya Ja Sakta Hai;

Ek Mohabbat Aur Woh Bhi Nakam Mohabbat,
Lekin Iss Se Kaam Chalaya Ja Sakta Hai;

Dil Par Paani Peene Aati Hain Umeedein,
Iss Chashme Mein Zeher Milaya Ja Sakta Hai;

Mujh Gumnaam Se Puchte Hain Farhaad-o-Majnoon,
Ishq Mein Kitna Naam Kamaya Ja Sakta Hai;

Yeh Mehtab Yeh Raat Kee Peshani Ka Ghav,
Aisa Zakham To Dil Par Khaya Ja Sakta Hai;

Phata Purana Khwaab Hai Mera Phir Bhi Tabish,
Iss Mein Apna Aap Chupaya Ja Sakta Hai!
Aadmi Aadmi Se:

Aadmi Aadmi Se Milta Hai,
Dil Magar Kam Kisi Se Milta Hai;

Rooh Ko Bhi Maza Mohabbat Ka,
Dil Ki Hum-Saegi Se Milta Hai;

Aaj Kya Baat Hai Ki Phulon Ka,
Bhool Jata Hun Main Sitam Uske;

Hosh Jab Be-Khudi Se Milta Hai,
Karobar-e-Jahan Sanwarte Hain;

Mil Ke Bhi Jo Kabhi Nahi Milta,
Rang Teri Hansi Se Milta Hai;

Teri Khush-Qamati Se Milta Hai,
Toot Kar Dil Usi Se Milta Hai;

Silsila Fitna-e-Qayamat Ka,
Woh Kuchh Is Sadgi Se Milta Hai!
~ Jigar Moradabadi
Baat Karni Mushkil:

Baat Karni Mushkil Kabhi Aisi Toh Na Thi,
Jaisi Ab Hai Teri Mehfil Kabhi Aaisi Toh Na Thi;

Le Geya Cheen Ke Kaun Aaj Tera Sabr-o-Qarar,
Be-Qarari Tujhe Ai Dil Kabhi Aaisi Toh Na Thi;

Teri Aankhon Mein Khudaa Jane Kya-Kya Jaadu,
Ki Tabiyat Meri Mayal Kabhi Aaisi Toh Na Thi;

Kya Sbab Tu Jo Bigarta Hai 'Zafar' Se Har Baar,
Kho Teri Hoor Shamil Kabhi Aaisi Toh Na Thi!
~ Zafar Iqbal
Main To Jhonka Hun:

Main To Jhonka Hun Hawa Ka Uda Le Jaunga,
Jaagti Rehna Tujhe Tujhse Chura Le Jaunga;

Ho Ke Kadmon Pe Nicchawar Phool Ne But Se Kaha,
Khak Mein Mil Ke Bhi Mein Khushboo Bacha Le Jaunga;

Kaun Si Shay Mujhko Pahunchayegi Tere Shehar Tak,
Yeh Pata To Tab Chalega Jab Pata Le Jaunga;

Koshishein Mujhko Mitaane Ki Bhale Ho Kamyaab,
Mit-te Mit-te Bhi Main Mitne Ka Maza Le Jaunga;

Shoharatein Jinki Wajah Se Dost Dushman Ho Gaye,
Sab Yeh Reh Jaayengi Main Saath Kya Le Jaunga!
~ Kumar Vishwas
Dil Mein Na Ho Jurrat:

Dil Mein Na Ho Jurrat To Mohabbat Nahi Milti,
Khairat Mein Itni Badi Daulat Nahi Milti;

Kuchh Log Yun Hi Shehar Mein Hum Se Bhi Khafa Hain,
Har Ek Se Apni Bhi Tabiyat Nahi Milti;

Dekha Tha Jise Maine Koi Aur Tha Shaayad,
Woh Kaun Hai Jis Se Teri Surat Nahi Milti;

Hanste Hue Chehron Se Hai Baazaar Ki Zinat,
Rone Ko Yahan Vaise Bhi Fursat Nahi Milti!
~ Nida Fazli
Yeh Na Thi Hamari Qismat:

Yeh Na Thi Hamari Qismat, Ki Visaal-e-Yaar Hota,
Agar Aur Jeete Rehte, Yahi Intezaar Hota;

Koi Mere Dil Se Puche, Tere Teer-e-Nimkash Ko,
Yeh Khalish Kahan Se Hoti, Jo Jigar Ke Paar Hota;

Yeh Kahan Ki Dosti Hai, Ki Bane Hain Dost Naaseh,
Koi Chhaar-Saaz Hota, Koi Gham Gusaar Hota;

Kahu Kis Se Main, Ki Kya Hai Shab-e-Gham Buri Bala Hai,
Mujhe Kya Bura Tha Marna, Agar Ek Baar Hota;

Yeh Masaail-e-Tasavuff, Yeh Tere Bayaan 'Ghalib',
Tujhe Hum Wali Samjhte, Jo Na Badaa-Khaar Hota!
~ Mirza Ghalib
Wafa Ke Baab Mein:

Wafa Ke Baab Mein Ilzaam-e-Aashiqui Na Liya,
Ki Teri Baat Ki Aur Tera Naam Bhi Na Liya;

Khushaa Wo Log Ki Mehroom-e-Iltefaat Rahe,
Tere Karam Ko Ba-Andaaz-e-Saadgi Na Liya;

Tumhare Baad Kayi Haath Dil Ke Simat Barhe,
Hazaar Shukar Girebaan Ko Hum Ne Si Na Liya;

Tamaam Masti-o-Tishnaa-Labi Ke Hungame,
Kisi Ne Sang Uthaya, Kisi Ne Meena Liya;

'Faraz' Zulm Hai Itni Khud Aitmaadi Bhi;
Ki Raat Bhi Thi Andheri, Charaagh Bhi Na Liya!
~ Ahmad Faraz
Aap Jin Ke Qarib:

Aap Jin Ke Qarib Hote Hain,
Vo Baḍe Ḳhush-Nasib Hote Hain;

Jab Tabiyat Kisi Par Aati Hai,
Maut Ke Din Qarib Hote Hain;

Mujh Se Milna Phir Aap Ka Milna,
Aap Kis Ko Nasib Hote Hain;

Zulm Seh Kar Jo Uff Nahi Karte,
Un Ke Dil Bhi Ajeeb Hote Hain;

Ishq Mein Aur Kuch Nahi Milta,
Saikḍon Gham Naseeb Hote Hain;

Nunh Ki Kadar Koi Kya Jaane,
Kahin Aise Adeeb Hote Hain!
~ Pankaj Udhas
Analytics